價錢點樣嚟

Flex Map 唔賣機票或者酒店，亦唔會自己估價。所有價錢都係網上公開嘅港幣票價。總價有小數就向上收到下一個整數先記錄。

點解有 Flex Map

我哋放假都係飛呢幾個地方。每次買機票都係咁：揀一日、搜一次、記低價錢，再轉另一日搜過。廉航個價未計行李，加埋先發現唔係最平；好唔容易搵到平嘅，又係半夜先到、或者最後一日朝早就要走。

所以我哋將香港直航去六個熱門地方、四間本地航空公司，未來半年每一日出發、住 2 至 7 晚嘅來回價記錄落嚟，用日曆同圖表攤開。一眼就睇到邊日平，亦可以即刻計埋行李、避開夜晚到、早走再比過。

網站靠廣告同訂票網站嘅合作費用維持運作，所以唔使登記，亦唔使俾錢。

範圍

出發地

香港國際機場

目的地

東京、大阪、福岡、首爾、台北、曼谷

航空公司

國泰航空、香港航空、大灣區航空、香港快運

行程

來回、直航、經濟艙、一位成人

日子

未來 6 個月每一日出發，住 2 至 7 晚

更新

持續更新。每一輪要查晒未來半年每一日，所以每個出發日唔係每日都會更新

規則

• 去同返係同一間航空公司。大部分人都係喺官網一次過買來回，所以唔會將兩間公司嘅航班砌埋一齊。
• 只計直航。轉機同埋由其他航空公司代售（共用航班編號）嘅航班唔計。
• 每班機都列出。唔止最平嗰班。每班去程會配同一間公司最平嘅回程，顯示來回總價。
• 連寄艙行李價係已經包寄艙行李嘅票價，唔係自己加上去嘅估算。個別票種嘅寄艙行李限額，請以航空公司票價條款為準。
• 只用港幣。只收錄港幣標價，唔會自己換算其他貨幣。

顏色同分析

• 日曆顏色係相對嘅：將畫面上嘅價錢由平到貴分五份，最平嗰兩成係「極抵」。轉晚數、航空公司或者行李設定，顏色會重新計。
• 「比上次」同「比 7 日前」用嘅係未計行李嘅最平價。變動少過 3% 當冇變。
• 「一般」價錢係中位數：將每個出發日嘅最平來回價由平到貴排好，揀中間嗰個，所以幾日好貴或者好平都唔會拉高拉低佢。兩個一般價錢相差少過 3%，網站會講差唔多，唔會話邊個平啲。
• 「避開夜晚到、早走」即係去程喺當地時間 18:00 前到埗、回程喺當地時間 14:00 或之後先起飛嘅組合。請假去旅行，頭尾兩日都唔想淨係用嚟搭機。
• 航班列表入面，當地 18:00 或之後先到、凌晨 06:00 前起飛、或者回程 14:00 前起飛嘅航班會有標籤提你。

問價點運作

• AI 會先理解你嘅問題，揀出目的地、月份、晚數、航空公司呢類條件。佢唔會自己諗價錢。
• 價錢、日子、差價全部由網站喺價錢記錄度計出嚟。
• 寫成廣東話之後，每個數字都會再同記錄核對；有唔妥就改用固定句式答。
• 預測價錢、幾時買最平、行李限額、酒店呢類問題，問價答唔到。

限制同注意事項

• 來回價錢隨時變。你見到嘅係我哋最近一次更新嘅價錢，訂票前請喺航空公司或者訂票網站再確認。
• 同一班機喺唔同時間、唔同網站可能有唔同價錢。Flex Map 嘅重點係邊啲日子相對平。
• 改期、退票費用唔包括喺內。
• 如果某日某個組合未有數據，可能係嗰日冇直航、全部賣晒，或者更新未完成。
• Flex Map 同各航空公司、訂票網站冇從屬關係。

聯絡我哋

Flex Map 由香港公司 Latte Map Limited 營運。有問題、發現價錢唔啱，或者想我哋加啲咩地方同功能，歡迎電郵 [email protected]，我哋會盡量回覆。

公司電郵：[email protected]